TAARIFA YA JESHI LA POLISI MKOA WA MWANZA KWA VYOMBO
VYA HABARI LEO TAREHE 23.05.201
MTU MMOJA ANASHIKILIWA NA JESHI LA POLISI KWA TUHUMA ZA MAUAJI WILAYANI KWIMBA.
KWAMBA TAREHE 22.05.2017 MAJIRA 20:00HRS KATIKA KITONGOJI CHA SAMIRUNGA KIJIJI NA KATA YA MALIGISU TARAFA YA IBINDO WILAYA YA KWIMBA MKOA WA MWANZA, DAUDI KIJIJI MIAKA 40, MKAZI WA KIJIJI CHA MALIGISU, ANASHIKILIWA NA JESHI LA POLISI KWA TUHUMA ZA KUMKATA NA KITU CHENYE NCHA KALI KICHWANI UPANDE WA SIKIO LA KUSHOTO MTU AITWAYE MABINDO PAUL MIAKA 33, MKAZI WA MALIGUSU, NA KUMPELEKEA KUPOTEZA MAISHA WAKATI AKIPELEKWA HOSPITALI, KITENDO AMBACHO NI KINYUME NA SHERIA.
INASEMEKANA KUWA BAADA YA MAREHEMU KUKATWA NA KITU CHENYE NCHA KALI KICHWANI ALIWEZA KUKIMBIA HADI NYUMBANI KWAKE HUKU AKIPIGA YOWE NA KUWAELEZA NDUGU ZAKE KWAMBA MTU ALIYEMKATA NI DAUDI KIJIJI AMBAYE ALIKUTANA NAE NJIANI. INADAIWA KUWA MAJIRANI NA NDUGU WALIMKIMBIZA MAREHEMU HOSPITALI KUPATIWA MATIBABU KISHA WALITOA TAARIFA POLISI KUHUSIANA NA TUKIO HILO, LAKINI BAADA YA MUDA MCHACHE KUPITA MAREHEMU AKIWA HOSPITALI ALIPOTEZA MAISHA.
ASKARI WALIFIKA ENEO LA TUKIO NA KUFANYA MSAKO WA KUMTAFUTA MTUHUMIWA WA MAUAJI HAYO HUKU WAKISHIRIKIANA NA WANANCHI NA BAADAE MTUHUMIWA ALIKAMATWA. POLISI WAPO KATIKA UPELELEZI NA MAHOJINA NA MTUHUMIWA PINDI UCHUNGUZI UKIKAMILIKA MTUHUMIWA ATAFIKISHWA MAHAKAMANI, MWILI WA MAREHEMU TAYARI UMEFANYIWA UCHUNGUZI NA KUKABIDHIWA KWA NDUGU WA MAREHEMU KWA AJILI YA MAZISHI.
KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WANANCHI WA JIJI NA MKOA WA MWANZA HUSUSANI VIJANA KUACHA TABIA YA KUJICHULIA SHERIA MKONONI KWANI NI KOSA LA JINAI, LAKINI PIA VILEVILE WAACHE VURUGU AU KUPIGANA OVYO KWANI VINAWEZA KUPELEKEA WATU KUPOTEZA MAISHA.
IMETOLEWA NA:
DCP: AHMED MSANGI
KAMANDA WA POLISI (M) MWANZA
0 comments:
Post a Comment